广东人咩都食？Sorry，一罐肥宅水就令我放弃广东人嘅尊严！广州第一个以身试毒嘅编辑部

肥宅水的季节又到啦！

作为快乐肥宅部嘅建六编辑部

每日都需要肥宅水续命

喺今个月头

吖鸭睇到可爱嘅肥宅水

又出咗一只新口味啦！

号称

“0卡路里”

“透明！”

真系令到编辑部一众肥宅按捺不住

所以我哋恳求阿咩之后

（连续加班一个星期为代价）

佢应承咗我哋！

仲连带买埋其他口味畀我哋

务求我哋饮得开心

（顺便写份评测出嚟）

肥宅水有好多种，

不过唔系支支都啱肥宅们自己试饮

所以，

我哋以身试水

为各位自己友拔草 / 种草啦！

评语：

（略）

唔系啊嘛，你唔会仲想要我讲啊嘛？未饮过咩？

评语：

（略）

楼下七仔就有得买啦，仲使我话你知咩！

评语：

（主角唔系佢）

@KC

：作为一个唔算肥宅嘅肥宅，偶尔钟意运动健身，当过下口瘾咯~

@吖鸭

：难饮，糖沟水咁，饮完冇办法继续做一个快乐嘅肥宅！

@小沅子

：每次想减肥我都会开始饮无糖，每次饮完第一啖都会即刻反悔，我做咩要作践自己饮人工甜味剂啊！！！真系好难饮！

评语：

（佢都唔系主角）

@小沅子

：你以为生姜可乐，就真系可乐煲姜嘅味道？佢系咬住嚿姜支吹可乐啊！冇错，我就系嗰个知情人士，阿妈唔系身边嘅时候，感冒唯有靠佢顶住档先。

评语：

@鱼乐

：饮呢樽嘢嘅时候，脑海闪回嘅系“蜜桃成熟时”。年轻有几胶，佢就有几胶。不过只要接受咗充斥鼻哥嘅胶味，你就有可能在味蕾中找到属于你嘅李丽珍。

（评分2：青春总是2）

@吖鸭

：啊！冇错！呢阵初恋一样嘅塑料味！冇错啊，就系我嘅康纳散发出嚟噶！与塑料谈恋爱，就系咁真。

总体评价：

少女需谨慎

种草要小心

呢款肥宅水，编辑部众肥宅饮完之后，即时散手兼拧头，可谓做到“神憎鬼厌”嘅地步。编辑部一直决定，将佢

永远雪藏

！

评语：

@鱼乐

：肥宅水中潘X寿，专治小儿百日咳，樽面写樱桃，入口系苦杏。如果苦瓜别名半生瓜，樱桃味肥宅水，绝对可令油腻中年人即刻瓜！

（评分：5。喝得苦中苦，返工更加苦）

@小沅子

：樱桃味（又名肥宅从此不快乐水）英雄好走，早啲上路，冇事唔好试佢！老世从此决定咗，边个返工迟到，就支吹一支樱桃味可乐！

（评分：-5）

@阿鱼

：樱桃肥宅水杏仁味咳药水，同樱桃有一毛钱关系？

（评分：0）

@KC

：小儿咳药水口感，浓厚强烈香味口感，而且冇汽水嗰种气，摞命之作。

（评分：0 ）

总体评价：

终于等到

呢次嘅主角！

断估唔到，除咗透明奶茶之外，比佢更加深色嘅肥宅水居然都想变透明！而且仲系一个标榜“0卡路里”嘅肥宅水。

颜值超高之余，佢仲会令人有一种错觉：

饮咗真系唔会肥噶！

评语：

@鱼乐

：睇落似雪碧，饮落劲刺激。如果你想体验双飞人同虎标驱风油嘅热情交合，一定要试试呢樽。一次队完一樽，你就会成为肥宅界嘅“飞虎队”。

（评分：-1 。饮料0分，价格贵扣1分）

@小沅子

：恭喜双飞人成功进军可乐届，闻起好似雪碧，入口好似糖水，然后成个口腔就系糖浆+双飞人嘅味道，真系好乸神奇……

（评分：2）

@KC

：完全无可乐口感，入口好似漱口水，甜味完全就系代糖添加，一款卖噱头嘅无聊产品。

（评分：1 。饮料2分，价格贵扣1分）

@小劳

：明明就是把雪碧装在可乐瓶子里嘛！也不难喝，就当雪碧喝吧。

（评分：2）

@吖鸭

：呢个就系人哋所讲嘅透明感嘅味道啦！哇！一个伟大嘅发明，饮完之后我更加之爱普通嘅肥宅水啦！

（评分：2）

@阿鱼

：透明肥宅水，茴香味雪碧，入口刺激回味悠长。

（评分：1）

本届快乐肥宅部票选出嘅最难饮肥宅水

就系：

樱桃味肥宅水

最好饮系边只？

仲使讲！梗系原味啦！

各位自己友

如果以上呢几款你哋都饮过

请为你觉得难饮嘅投下神圣嘅一票啦！

各位自己友广州漫长嘅夏天又要嚟啦！

你哋准备好肥宅水未？

如果你仲有乜好饮 / 难饮嘅肥宅水

想要推介嘅话

系留言区话畀我哋知啦！

本篇内容仅是个人观点，切勿当真