是有点英雄迟暮，幸而元华随遇而安,他的名气可能不及其他师兄弟，但他婚姻美满 _游戏世界

是有点英雄迟暮，幸而元华随遇而安。他的名气可能不及其他师兄弟，但他婚姻美满，形象讨好。太太秀外慧中，诞下一子一女后辞去了工作，专心相夫教子。养家的责任，就落在元华身上。「以前开工真系五湖四海周围走，日本、韩国，欧洲都去过，中国更加唔使讲，东南西北都去匀，呢度住下，嗰度又住下。有时夜晚扎醒，要谂下自己喺边。以为喺屋企，原来喺酒店。」
【是有点英雄迟暮，幸而元华随遇而安,他的名气可能不及其他师兄弟，但他婚姻美满】养妻活儿，到处是家，到处也不是家。梦里不知身是客的感受，难免带点凄凉。
「少少啦，日子短冇乜所谓，个零两个月都OK慨；有时一拍半年，就真系会挂住屋企。辛苦完一轮之后返屋企见番家人，嗰一刻就最开心。」
自细错就认打就企定，再辛苦也只往肚里吞，何况，边个搵食唔辛苦？元华令人欣赏的地方是那份正能量，男人老狗，犯不着伤春悲秋。太太与子女移民加拿大，元华便加港两边飞。风尘朴朴，但不碍事，最不惯的，是食饭而已。
「一支公，吃饭最麻烦，都唔知叫乜。所以我钟意开工，大家坐埋一齐食饭盒。」
近年子女出身了，太太终于专注照顾元华。
「仔女出来做事之后老婆就黐住我，我去拍戏渠就跟住照顾我。结咗婚四十几年（太太在旁补充：「80年结婚呀，个仔今年四十岁。」）哦，80年结婚，结咗四十一年。」
元华笑道，铁汉柔情肯定是这种。历年来零绯闻，把家人照顾得妥妥当当，绝对是暖男一名，两公婆现在去街仍会拖着手。
「老婆梗系要凼啦，渠照顾我，我唔凼渠容乜易佢唔理我呀！我唔够胆讲我系100分老公，90分啦！拖住手行街你哋觉得浪漫啫，我觉得好正常。」
近年元华开始退下火线，但不是退休，七十一岁的他只是选择拍自己喜欢和做得来的戏。
「唔好讲四十个斛斗，依家四个都打唔到喇！自己知自己事，做到先做，做唔到就同导演讲，叫渠搵替身，尽量唔想受伤，以前受伤冇所谓，好快好返；现在受伤要休息半年至一年。」
虽然七十年代没去成荷里活，但他不乏演出西片的机会。2008年曾演出《澳大利亚》，早前上演的《尚气与十环帮传奇》也有元华份。说起来，今次要多谢儿子推一把。
「我识哥伦比亚、迪士尼，唔知Marvel 系乜。问个仔呢间系乜嘢公司，佢话拍好多超级英雄戏，好多后生仔钟意。渠叫我接啦，接啦，原来个仔系Marvel迷，渠不知几开心，仲希望渠哋出公仔添！我依家识啦，Marvel即系漫威吖嘛！」
他饰演的光伯大师应该甚有睇头，只嫌戏份太少，死得仓猝。
「拍咗好多，只可惜好多文戏同打戏都剪咗，系有啲失望。冇办法，片太长就要取舍，剪多剪少我控制不到。我好睇得开，有得参与已经好好。」
营役了一辈子，元华现在的追求，简单不过。
「我慨愿望系身体健康，冇病冇痛，生老病死之中最惊病痛，一病就乜都做唔到。仲有系希望一家人齐齐整整其实不嬲都齐整，只不过有阵时大家身处地域唔同啫。」
打拼了大半生，身上都留下了岁月的痕迹。
「旧患梗系有，依家系睇天气做人，翻风落雨好多关节会痛，咪搵啲药酒捽下啰。好在细个基础打得好，身体比一般同年纪慨人好啲。系啤酒唔饮得，红酒可以。」
还有厨房里头正等待着一家人的红豆沙。小孙女的脚步声在爷爷身边跑过，我知道，是时候要让元华回去享受天伦。
「孙女唔惊我?，我成日俾佢打。以前细个打架，依家要还。」他大笑。
元华的一身好武功，将会以另一种方式传承下去。

文章插图