本文作者

方卓如

，是香港知名財經專欄作者。慣以粵語落筆行文。為保留原文原汁原味，本編未做轉譯。

文：方卓如

星

期六、日參加環球帆船賽嘅6隻船响維港比賽，呢啲世界級嘅賽事在香港無聲無息，除咗係帆船唔算熱門運動之外，賽事背景沒有事前足夠解說，令到唔係咁多人明白什麼一回事，反而帆船入香港嘅時候撞沉咗隻漁船就最多人知。

遠洋比賽係最辛苦嘅運動，其他陸地賽事，有什麼事你可以全身而退。唯獨是在海中心，有什麼事，只可以捱到埋岸。我只係試過30小時從日本帆船賽至台灣，已經辛苦過毅行者百倍。



周庭被取消參選資格，受害嘅係全香港人。過去兩年香港嘅自由程度急速下降，原因係年輕人一腔熱血諗到乜就講乜之後，繼而再用自己嘅方法行動，自己付出代價之餘，其他香港人都一齊埋單。長毛過去一直宣誓加料都仲可以做議員，以後怕且永遠無得參選。

過往可以容忍嘅言行，例如羅冠聰能夠做議員，而家周庭連選都唔得。最慘係，過去3年，香港人嘅反抗意志被透支乾了，麻木到而家，精神上完全陣亡，才有咁多侮辱人類智慧嘅說話出現，令到僭建嘅人夠膽走出嚟大大聲話唔同意自己冇誠信。



唔可以怪年輕人。成年人道德敗壞，鬼話連篇，如果年輕人唔熱血反抗，呢個社會係冇希望。可惜年輕人熱血之後，沒有熱血成年人出手善後，卻有無數冷血成年人撲出收拾邀功，進一步玩殘社會，讓自己扶搖直上。

正如《沙漠梟雄》入面Prince Feisal所講，「Young men make wars, then old men make the peace」。年輕人冇打勝仗，成年人唔想和平，全香港輸晒。



以後純粹股票樓市，因為社會已經唔到你話事，再講就變維園阿伯。股票唔好再去學睇業績，要睇國際大勢，否則你俾人呃咗都唔知咩事。點解美國又加息又收水，美金反而會跌？加息股市又升？以前唔係話加息會推冧股市？如果加息推唔冧股市，是否一樣推唔冧樓市？如果屬實，咁多人叫你加息在即唔好買樓，你聽唔聽？



要留意，唔只股市升，油價都升。代表印咗咁多年銀紙，預期中嘅通脹可能終於來臨。點解美國咁肯加息？可能係預期通脹加快，預早加息減慢通脹速度。聰明人恐怕通脹殺到埋身，買股票，沽美金，其實係作好準備。

港紙跟隨美元下跌，人民幣愈升愈有，香港嘅資產價格唔單止唔會跌，相反仲會被買到爆上。唔好俾美國收水呃到你，美國話減少買債所謂收水，美國貨幣供應量M2响2017年都增加了4%。美國銀紙又印多咗，國債又借多咗，唔通你認為使錢使慣咗嘅美國突然間會節儉？



保護自己財富係每個人嘅責任，全球一半財富由1%人擁有，佢哋乾坤大挪移嘅本事只會愈嚟愈勁，眼光要望得遠啲先可以自保，仲學人睇本年報就輸鬼死你。

（方卓如/方如玉帥）

版權聲明：「港股直通車」除發佈原創市場投研報告以外，亦致力於優秀財經文章的交流分享。部分文章推送時未能及時與原作者取得聯繫。若涉及版權問題，敬請原作者添加DGGKF2微信聯繫刪除。

無懼困境，過關斬將不求人

他，也許就是情商最高的關二哥

私人洽购请致电1333-28-77772 联系大公馆画廊叶小姐，或点击本链接访问内页索引

• 只有这6种情况，用人单位才可以解雇员工，并且不用支付赔偿金！
• 哪几个星座选对象眼光最准
• 被很多人暗恋却没人敢追的星座，眼光高又挑剔！
• 姚振华可能又赚上千亿 他的眼光为什么总是这么准？
• 眼光独到 嫁到好老公的4大星座女
• 雷军投资眼光真犀利，旗下又一生态链公司上市了
• 心理测试:你喜欢哪款仙女裙?看看你挑男人的眼光如何!
• 开滴滴，服务分越高挣钱才可能越多，真的是这样吗?
• 中科院“眼光”里的红跑车已经偏离火星轨道
• 12星座谁最喜欢卖萌，什么弱点易被利用，谁最有眼光，懒可爱